خن کش آ ڈھونڈخور آ دا کاغ آتے امہ کین
پیری ٹی چنائی آ دماغ آتے امہ کین
ہولی نا اگہ ہُل ئٹی بادام کہ سلتو
سنجد نا شرف دار دا باغ آتے امہ کین
دا نت آ ننا مونے نشان ایترہ بیرہ
نم پابو ننے نن دا چراغ آتے امہ کین
تینٹ تو تینا ہیت ئنا نی خواجہ مفیسہ
بے کاٹم آ نا پنت او روماغ آتے امہ کین
بے بندغی نا دڑد ئنا غم ننتو اسٹ اف
خوشکاوہ نا ارمانی آ زاغ آتے امہ کین
ہیتاک تو دیوال ئنا خف تسکا رسینگار
کُوٹَی تا تینا شوم آ دراغ آتے امہ کین
چُوشنگ او دتر دا کہ نا بالادے کُننگ او
نا است ئنا اعجاز زراغ اتے امہ کین
اعجاز سنگت
