ضلع کیچ ئنا علاقہ آبسر ٹی سمکاری نا تدینی ئسیٹی موٹر سئیکل آ سوار اِرا بندغ ٹپی مسنو۔
حوال تروکا تا رد ئٹ آبسر نا جہی نبی بخش نا مار خالد و ہوشاب نا جہی عبداللہ نا مار گل شیر اسہ موٹر سئیکل ئسے آ سوار اسُر کہ نا درست آ موٹر سئیکل سوار بندغ آک اوفتا سمکاری کریر۔
سمکاری نا سوب آن تومکا بندغ آک ٹپی مسنو۔
ٹپی آتے جانجوڑ کمک کن خڑک ئنا اسپتال آ دننگانے۔ سمکاری آن پد جلہو کارک نرنگ ئٹی سرسوب مسنو۔
دائسکان سمکاری نا سوب سما تمنگ کتنے۔
