بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹ پارے کہ 01 جون آ ویگہ نا چھار بجہ و چِھل منٹ آ بلوچستان لبریشن فرنٹ نا سرمچارک زامران نا علاقہ زامری دپ ئٹی کوزہ گیر پاکستانی لشکر نا چیک پوسٹ آ بھلا سلاہ تے ئٹ بھاز خڑک آن جلہو کریر۔ سرمچارک دشمن نا مورچہ تے آر پی جی نا گولہ خلکُر ہرافتان دشمن ہبکہ مسک۔ جلہو ئٹی سرمچارک گرنیڈ لانچر و ایلو بھلا سلاہ تے ہم کارمرز کریر، ہرانا بھرم ئٹی دشمن لشکر نا اِرا کارندہ کھسکر و مسٹ ٹپی مسر۔
بلوچستان لبریشن فرنٹ زامران، زامری دپ ئٹی کوزہ گیر پاکستانی لشکر آ جلہو ئٹی اونا اِرا فوجی کارندہ ئے کھسفنگ و مسٹ ئے ٹپی کننگ نا ذمہ واری ئے ہرفک، و بلوچ قوم آن اومیت کیک کہ او ہندا وڑ ئٹ سرمچار تا سوگوی ئٹ کمک مرسہ تاریخ نا دا نازرک آ سند آ قومی و ڈیہی فرض ئے ادا کرسہ کرور۔
