کیچ: پاکستانی لشکر نا دوآن زوراکی ئٹ بیگواہ کننگوک بندغ آتا خاہوت آک بالگتر ئٹی سی پیک نا بُنجاہی کسر ئے بند کرسہ برانز کننگ ءُ۔
جہی حوال تِروک نا رِد ئٹ زوراکی ئٹ بیگواہ کننگوک بندغ آتا خاہوت آتون اوار کیہی بندغ آک برانز ئٹ اوار مسُر، بُنجاہی کسر نا بند مننگ نا سوب آن بھلو کچ ئسیٹ گاڑیک سلیسُر و مسافرک جنجال مسُر۔
برانز کروک بندغ آتا پاننگ اس کہ نن تینا بندغ آتا آجوئی کِن کیہی وار ہندی انتظامیہ آن خواست کریننُ ولے دا بابت ئٹ ہچو گام ارفنگ متنے، نن بیوس مرسہ برانز کننگ اُن۔
او پاریر کہ ننا برانز ہموتم ئسکان برجاء مرو ایسکان کہ ننا بندغ آک آجو متنو۔
