بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹ پارینے کہ ننا سرمچارک 31 مئی 2025 نا نن 9 بجہ نا وخت آ خاران شار ئنا حساس علاقہ ریڈ زون ئٹی ساڑی ملٹری انٹیلیجنس نا دفتر نا مون آ انٹیلیجنس کارندہ غا تیا ہموتم جلہو کریر ہراتم او ماڑی آن پیشن گشت کننگ ئٹی اسر۔ جلہو نا بھرم ئٹی ارا انٹیلیجنس کارندہ بھاز ٹپی مسر۔
او پارے کہ اسہ پین کاروائی ئسیٹی 29 مئی 2025 آ بی ایل ایف نا سرمچارک کولواہ نا علاقہ شاہو باتل ئٹی ساڑی حوالکاری نظام آ جلہو کریر۔ دا آپریشن ئٹی سرمچارک نہ بیرہ حوالکاری ٹاور و اوڑتو تفوک تکنیکی مشین تِہ ہشار بلکن ٹاور ئٹی خلنگوک نگرانی و سرویلنس کیمرہ غاتِہ ہم تیبہ تباہ کریر۔
ترجمان پارے کہ بڑز یات مروک تومکا کاروائی تِہ کننگ آن پد سرمچارک سلامتی ئٹ تینا رکھوک ہند آتیا سر مسر۔
ایسر ئٹ او پارے کہ بی ایل ایف دا تومکا جلہو تا ذمہ واری ئے ہرفک و تنظیم تینا قوم ئنا کمک ئٹ آزاد بلوچستان نا دوئی کننگ اسکان تینا جنز ئٹی سوگو وڑ ئسے ئٹ برجاء تخو و کوزی کروک دشمن ئے اسہ ساہت ئس ہم آرام و سکون ئٹ دم ہلنگ کن الوف۔
