دے ئنا خواری تا ہمراہ شام ئنا غم تون گوازی
زند کننگ ئے ننا بزگر نا ہر شَم تون گوازی
داسہ جنگ آتا سرونز آ بر کہ سائے رقص ایتِن
پین نن اخّس کرونک ناز ادا چم تون گوازی
اے وطن دا مارک نا او کاٹم آن تینا تدینو
پین کیکک دیر تینا آخری دم تون گوازی
شیخ گر پیمانہ غاتون ناچ کے کپ اونا منشا
یار ساقی دے اِرٹ آ کیک زم زم تون گوازی
نی تو نادان غم تو اندن رقص کیسہ یار دُنکے
عُمر ئنا ہینار کے ئَک دِیر ئنا نَم تون گوازی
عیسٰی نادان
