مستونگ نا علاقہ کلی عزیز آباد آن پاکستانی لشکر پین اِرا بندغ زوراکی ئٹ بیگواہ کرینے۔
بیگواہ کننگوک بندغ آک محمد عمر محمد شہی نا مار اورنگزیب و غلام سرور نا مار غلام جان نا پن تیٹ درست مسنو۔ پاننگک کہ غلام جان لیویز کارندہ ئس ءِ۔
حوال تروکا تا پاننگ ءِ کہ اورنگزیب ئے اِستو نن ئنا دو بجہ غا اُراغان بیگواہ کننگانے، اندن غلام جان اِستو سئے بجہ غا بیگواہ کننگانے۔
خیال ئٹ مرے اِستو پاکستانی لشکر مستونگ آن کیہی بندغ آتِہ دزگیر کننگ آن پد بیگواہ کرینے ہرافتا حوال ئے زرمبش میڈیا غا شنگ کننگانے۔
