بلوچستان لبریشن فرنٹ (بی ایل ایف) نا ترجمان میجر گہرام بلوچ تینا شنگ کروک بیان ئٹ پارے کہ مئی نا 30 تاریخ آ بی ایل ایف نا سرمچارک شام ئنا 6 بجہ غا کیچ ئنا علاقہ تمپ ئنا ہند ملانٹ ئٹ کوزہ گیر پاکستانی لشکر نا اسہ عسکری کیمپ ئسے مُسہ کنڈ آن راکٹ لانچر، گرنیڈ لانچر و بھلا سلاہ تیٹ سرسوبی ئٹ ٹِک کریر۔ جلہو ہرُے اسکان برجاء سلیس، و دا نیام ئٹ سرمچارک کیمپ ئے رکھوک سنگر تیا ساڑی دشمن لشکر نا مُسہ کارندہ مرگ ئنا گواچی کریر۔ کارروائی نا وخت آ کیمپ آ نظر تخوک (سرویلنس) نظام ئے ہم تباہ کننگا۔ جلہو آن گڈ سرمچارک علاقہ ٹی گشت کریر، جہی مخلوق تون ہیت ہم کریر۔
ترجمان پارے کہ اندا دے، شام ئنا 7 بجہ نا وخت آ اسہ جتاؤ کارروائی ئسیٹی، مند ئنا علاقہ سورو بازار ئٹ ساڑی ملٹری انٹیلی جنس نا دفتر نا چھت آ ساڑی اِرا فوجی کارندہ ئے بی ایل ایف نا اسنائپر ٹیکٹیکل ٹیم (ایس ٹی ٹی) ٹِک کرے، ہرا نا سوب آن تومکا ہمو جہہ آ مرگ ئنا گواچی مسُر۔
او ایسر ئٹ پارے کہ بی ایل ایف دا تومکا جلہو تا ذمہ واری ئے ہرفک و دا عزم ئے بھیرو کیک کہ آزاد بلوچستان نا دوئی مننگ اسکان عسکری کیمپ، عسکری ماڑی، عسکری منصوبہ، انٹیلیجنس کارندہ و اوفتا کمکارک ننا سرمچار تا نشانہ غا مرور۔
