بلوچستان نا ضلع خضدار نا علاقہ نال سٹی نا خُڑک سلاہ بند بندغ آک بیرہ پن ئنا(نام نہاد) امن فورس نا کارندہ تِہ جلہو ئٹ ٹِک کریر۔
حوال تروکا تا رد ئٹ اینو سہب ئنا یانزدہ بجہ نا وخت آ نادرست آ سلاہ بند بندغ آک امن فورس نا کارندہ تیا ہموتم جلہو کریر ہراتم او بازار ئٹ گشت کننگ اسُر۔ جلہو ئٹ امن فورس نا کیہی کارندہ مرگ ئنا گواچی مسنو، و جلہوکارک اوفتا سلاہ و ایلو مڈی تِہ ہم تینتو درینو۔
جلہو نا ذمہ واری ئے دائسکان ہچو تنظیم ئس ہرفتنے۔
خیال ئٹ مرے کہ امن فورس نا بھلا، نیشنل پارٹی نا سروک اسلم بزنجو نا مار شمیر بزنجو ءِ، ہرا ریاستی مُخ تفی ٹی بلوچ بھاتی تِہ شہید، زوراکی ئٹ بیگواہ کننگ و زوراکی تیٹ تُد ءِ۔
