بلوچستان نا ضلع خاران نا شار ئٹ نادرست آ سلاہ بند بندغ آک پولیس نا کارندہ تِہ بندی کریر و اوفتا سرکاری سلاہ تِہ ہم تینتو دریر۔
حوال تروکا تا رد ئٹ، خاران بازار نا شاہوانی چوک آ اینو دے ئنا یک بجہ نا وخت آ نادرست آ سلاہ بند بندغ آک پولیس کارندہ تِہ ٹِک کریر و اوفتا سلاہ تِہ پھلار و تینتو دریر۔
جلہوکارک کارروائی آن پد سرسوبی ئٹ پیشتمانو و پولیس کارندہ تِہ ہچ نسخان تتنو۔
جلہو نا ذمہ واری ئے دائسکان ہچو تنظیم ئس ہرفتنے۔
