بلوچستان نا ضلع کیچ ئنا اِرا جتاؤ علاقہ ئٹ سلاہ بند بندغ آک ایم آئی نا دفتر و پاکستانی فوج آ جلہو کرینو۔
زرمبش نا جہی حوال تروک ئس پارینے کہ سلاہ بند بندغ آک ایم آئی نا دفتر نا زیہا جوڑ مروک اِرا سنگر آ جلہو کرینو و جلہو ہُرے اسکان برجاء مسنے۔
ایلو کنڈ آن تمپ ئٹ نادرست آ سلاہ بند بندغ آک پاکستانی فوج ئنا کیمپ آ جلہو کرینو۔
زرمبش نا جہی حوال تروک ئس حوال تسنے کہ سلاہ بند بندغ آک اینو ویگہ نا تمپ ملانٹ ئٹ پاکستانی فوج ئنا کیمپ آ بھلو جلہو ئس کرینو۔
پاننگک کہ جلہو آن گڈ فوج ئنا بھاز گاڑی کیمپ آن پیشتمانے و فوج کسر تِہ تفِسہ پٹ ئہ پول کننگ ءِ۔
تومکا جلہو تیٹ پاکستانی فوج ئے جانی نسخان مننگ نا حوال ہم ارے۔ واہم دائسکان ہچو تنظیم ئس دا جلہو تا ذمہ واری ئے ہرفتنے۔
