پاکستانی لشکر نا دو آن زوراکی ئٹ بیگواہ کننگوک ورنا جنگیان بلوچ نا خاہوت پنجگور نا علاقہ پروم ئٹ فرنٹیئر کور (ایف سی) نا کیمپ ئنا مونا برانز کننگ ءِ۔
خاہوت نا رِد ئٹ 26 مئی آ پنجگور نا علاقہ پروم آن پاکستانی لشکر سرچ آپریشن نا وخت آ جنگیان بلوچ ئے پنچ پین بندغ تون اوار دزگیر کرے، ایلو چھار پدان یلہ کننگار ولے جنگیان بلوچ دائسکان بیگواہ ءِ۔
خاہوت پارے کہ جنگیان بلوچ ئے دزگیر کننگ نا وخت آ اوڑا سخت لٹ ئہ کُٹ کننگا و بیدس قانودی کاروائی آن فوج اودے درے۔
اوفتا پاننگ ءِ کہ جنگیان بلوچ بے ڈوہ ءِ اونا برخلاف ہچو مقدمہ یا دوبہ افک۔
برانز کروک خاہوت پارے کہ اگہ جنگیان بلوچ ئے زوت پھاش کننگ متو گُڑا افک نہ بیرہ ایف سی کیمپ بلکہ بُنجاہی کسر آ ہم برانز کرور و دا برانز ہموتم ئسکان برجاء مرو ایسکان کہ جنگیان بلوچ آجو متنے۔
