بی ایل ایف نا ترجمان میجر گہرام بلوچ میڈیا ٹی شنگ کروک تینا درشان ئٹی پارے کہ 29 مئی آ، دے ئنا دو بجہ غا سرمچارک جیونی نا ہند سونڈی ٹی اڈ ہلوک کوسٹ گارڈ نا چیک پوسٹ آ ہموتم جلہو کریر، ہراتم اوفک ہندی مچھی ہلوکا مخلوق آن زور ئٹ ٹیکس ہلنگ ئٹی آختہ اسُر۔ دا جلہو ئٹی کوسٹ گارڈ نا اِرا کارندہ مرگ ئنا گواچی مس۔
او پارے کہ سرمچارک کھئوکا فوجی تا سلاہ و ایلو فوجی مڈی تِہ ہفیر۔ کھئوکا فوجیک انصر و افتخار شاہ نا پن تیٹ درست مسُر۔ دا کاروائی ئے بی ایل ایف نا ٹیکنیکل کمبیٹ یونٹ نا سرمچارک کریر۔
ترجمان گہرام بلوچ مُستی پارے کہ اسہ پین جلہو ئسیٹی سرمچارک 29 مئی 2025 آ واشک نا ہند سُکن، دشتُک ئٹی کوزہ گیر پاکستان نا نیم فوجی دستہ ایف سی نا اسہ قافلہ ئسے ہموتم آئی ای ڈی بمب جلہو ئٹی ٹک کریر ہراتم او نہار آ لشکر پن کروکا علاقہ و ہیب کھیب ئنا خلک آتیٹ لشکر کشی آن پد قافلہ نا دروشم ئٹ واپس تینا کیمپ آ ہننگ اس۔ بمب تراک ئٹی ایف سی کانوائے ٹی اوار اسہ فوجی گاڑی ئس تیبہ بھُس مس و سوار انگا کُل کارندہ غاک مرگ ئنا گواچی و ٹپی مسُر۔
ترجمان ایسر ئٹ پارے کہ دا ارٹنگا جلہو تا زمہ واری ئے بی ایل ایف ہرفک و دشمن ئے خبڑدار کیک کہ بی ایل ایف نا سرمچارک بلوچستان ئٹی گام گام آ مرگ ئنا دروشم ئٹ اوفتا بخیر کن ہر وخت ساڑی ءُ۔
