این ڈی پی نا بنجائی باسک غنی بلوچ نا زوراکی نا بیگواہی نا برخلاف اونا خاہوت پنچ شمبے نا دے کوئٹہ پریس کلب ئٹی پریس کانفرنس کرے، او خواست کریر کہ غنی بلوچ ئے زوت آجو کننگِہ یا عدالت ئٹ ہتنگ مرے۔
او پاریر کہ غنی بلوچ اسہ پر امن سیاسی کاریم کروک، براہوئی لٹریچر ئٹی ایم فل اسکالر، محقق، مترجم و پبلشر ئس ءِ۔
خاہوت پارے کہ اودے 25 مئی آ کوئٹہ آن کراچی آ ہننگ نا وخت خضدار نا خُڑک قانود نافذ کروکا ادارہ غاتا بندغ آک بیدس وارنٹ آن دزگیر کرسا بیگواہ کریُسر۔
خاہوت پارے کہ غنی بلوچ نا بارو ئٹ ہچو حوال اف، ہرانا سوب آن اوفک سخت ذہنی اذیت نا گواچی ءُ۔
اوفک بندغی حق آتا تنظیم، سیاسی پارٹی و خوانندہ تنظیم آتیان خواست کریر کہ او غنی بلوچ نا آجوئی کن تینا کڑد ئے ادا کیر۔
