حوال تا رد ئٹ کوئٹہ آن پاکستانی لشکر و ڈھکوک ایجنسیک بلوچستان یونیورسٹی نا اسہ خوانندہ ئس دزگیر کننگ آن گڈ بیگواہ کرینو۔
زوراکی ئٹ بیگواہ کننگوک نا چائنداری غلام مصطفٰی نا مسڑ ماجبین نا پن ئٹ مسنے۔ پاننگک کہ پن کروک مسڑ ضلع واشک نا علاقہ بسمیہ نا جہی ئس ءِ۔
ماجبین بلوچستان یونیورسٹی ٹی بی ایس لائبریری سائنس نا خوانوک ئس ءِ۔
حوال تروکا تا پاننگ ءِ کہ ماجبین ئے درے نن 3 بجہ غا پاکستانی لشکر کوئٹہ غان دزگیر کرینے ہراکان گڈ اونا ہچ ڈس اف۔
اونا خاہوت ئے دائسکان اونا بارو ئٹ ہچو حوال و معلومداری تننگ متنے۔
