بلوچستان لبریشن فرنٹ نا ترجمان میجر گہرام بلوچ بیان ئس شنگ کرسہ پارینے کہ ننا سرمچارک تنظیم نا انٹیلیجنس ونگ ئنا ڈس تننگ آ 28 مئی نا نن 9 بجہ آ چم ئنا رد ئٹ خاران شار ئنا ریڈ زون ئٹی سرسوبی ئٹ اسہ کمین جلہو ئس کریر۔ دا جلہو دشمن نا ارا وہیکولر موبائل یونٹ آتا برخلاف کننگا، ہرا ڈھکوک ادارہ غاتا فیلڈ انٹیلیجنس نا بشخ اسُر و گشت کننگ ئٹی اسُر۔
او پارے کہ بنائی بیٹل ڈیمیج اسیسمنٹ (BDA) نا رد ئٹ جلہو ئٹی دشمن نا ارا کارندہ تدینی نا جاگہ غا کھسکُر و ارٹ ٹپی مسُر، ہندن دشمن نا اسہ الاخ ئس تیبہ بھس مسنے و ایلو ئے چنکو نسخان ئس رسینگانے۔ جلہو آن پد ریاستی لشکر زوت کورڈن و کنٹرول آپریشن نا بناء ئے کریر، ہراٹی خاران شار آ ہنوک و بروک آ کسر تے آ ایمرجنسی ناکہ بندی کننگا و شاری تے پٹ ئہ پول کننگا و نظر تخنگا۔
ترجمان پارے کہ بلوچستان لبریشن فرنٹ نا سرمچارک کاروائی آن پد کمبیٹ ودڈراول ٹیکٹکس (combat withdrawal tactics) نا رد ئٹ بھاز ہُشاری ئٹ تدینی نا جاگہ غان پیشتمسہ تینا رکھوک ہند آتے آ سر مسُر۔
ایسر ئٹ پاننگا کہ بلوچستان لبریشن فرنٹ دا کاروائی نا ذمہ واری ئے ہرفسہ شاری آبادی ئے پائک کہ دشمن نا لشکر آ سرمچار آتا ہمرو ہم جلہو ئسے نا یا اوفتو جھڑپ ئسے نا وخت آ او کوزہ کروک لشکر نا کنڈ آن تینا مون سمکاری آن تینے رکھنگ نا کوشست کیر۔
