ملخدو ننکان آوارا نا علاقہ مالار مچھی ٹی لشکر کشی نا وخت آ پاکستانی لشکر نا دو آن نعیم بلوچ و بی بی حوری نا ناحق خون، و بی بی دادی نا ٹپی مننگ نا برخلاف اینو آواران بازار ئٹ ہڑتال کننگ مسنے۔
دا ہڑتال نا پڑو بلوچ وومن فورم نا پارہ غان کننگاسس ہرا نا مخ تفی ئے الس کرینے۔
بلوچ وومن فورم جہانی کہول آن بلوچستان ئٹ برجاء زوراکی تا نوٹس ہلنگ و پاکستان آن ورندی ہلنگ نا خواست ہم کرینے۔
زرمبش حوال تروک نا رد ئٹ اینو آواران بازار ہڑتال نا سوب آن تیبہ بند ءِ۔
