پاکستان نا وزارت خارجہ نا نیمہ آن شنگ کروکا درشان ئسیٹی پاننگا کہ ایران نا زیر انتظام بلوچستان ئٹی جلہو تہ حوال ئے پک کرسا پارے کہ پاکستان اینو سُہب ئنا سیستان بلوچستان و بلوچستان ئٹی جلہو تہ سلسلہ ئے بناء کرینے۔
دا جلہوک پاکستان نا نیمہ آن پنچ شمبے نا سُہب ئنا ڈرون آتیٹ کننگا ہراٹی دے کہیلنگ بلوچستان نا شہر سراوان و دے ٹک بلوچستان تون اوار ایران نا زیر انتظام حق آباد،شمسر،اونگ ئٹی کننگانو۔
ایلو نیمہ آن حوالءِ کہ جلہو تیٹی خلنگ مروک آتا کچ دہءِ ہرافتیٹی گیشتر زالبول و چُناک ءُ۔
ہندی حوال آتا رد ئٹ خلنگ مروکا چُنا تیٹی مُسٹ نا پجار بابر دوست،ہانی دوست و چراگ دوست نا پن ئٹ مُسنے ۔ پین ہم جانی نسخان مننگ نا گُمانءِ۔
