بلوچستان نا ضلع پنجگور ئٹی لشکر کشی برجاء ءِ، لشکر کشی نا وخت آ پاکستانی لشکر پنچ بندغ دزگیر کننگ آن گڈ بیگواہ کرینے۔
حوال تروکا تا رد ئٹ اینو پنجگور نا علاقہ پروم ئٹ پاکستانی لشکر جتا جہہ تیان لشکر کشی نا وخت آ کیہی بندغ بیدادی نا گواچی کرینے و پنچ ورنا دزگیر کننگ آن گڈ نادرستو جہہ ئس درینے و اوفتا دائسکان ہچ ڈس اف۔
زوراکی ئٹ بیگواہ کنگوک بندغ آتا چائندئی عارف قادر، جنگیان عبدالرشید، اسرار بشیر، یاسر غلام جان و فیصل مراد نا پن ئٹ مسنے۔
حوال تروکا تا رد ئٹ لشکر کشی نا وخت آ پاکستانی لشکر کیہی بندغ آتا موبائل فون تِہ ہم پُھلانے تینتو درینے۔
