بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹ پارے کہ 22 مئی 2025 آ بلوچستان لبریشن فرنٹ نا سرمچارک تربت نا علاقہ زیارت سر ئٹی اسہ سوگو و ٹارگٹڈ آپریشن ئسے نا وخت آ ملٹری انٹیلیجنس نا اہم ئنگا کارندہ اللہ بخش نا مار دلشاد مچی مالار نا جہی و راشد حکیم تربت نا جہی ئے ہدف جوڑ کرِسہ مرگ ئنا گواچی کریر۔
او پارے کہ دا ہڑتوما تا ملٹری انٹیلیجنس ئٹی بھلو کڑد ئس اسک، ہراکہ تربت نا ہیب ئہ کھیب ئٹ سلاہ بند کاروائی و بلوچ نا برخلاف کاریم تیٹی اوار اسُر۔ راشد حکیم، دلشاد عرف شاہ جان مالار ئٹی ریاستی پروپیگنڈا کن ورنا تے کارمرز مننگ نا ٹریننگ ئے تننگ اسر، وخت ئسکہ سوشل میڈیا ٹی بلوچ باسک آتا کاریم تے نزر تخنگ و حوال سر کننگ ہندافتا ذمہ واری ٹی اسک۔
میجر گہرام پارے کہ ہندا زُوت آتے ئٹ دا ہڑتوما کارندہ غاک تربت شار ئٹی شرف مند آ خاہوت آتے آ جلہو، کیہی ورنا تا زورانسری بیگواہی، بالگتر و کولواہ ٹی پاکستانی لشکر تون سرمچار تا کسر تے تفنگ ئٹی پاش وڑ ئٹ اوار اسُر۔ یات مرے کہ راشد حکیم نا باوہ، حکیم ئے ہم انٹیلیجنس ایجنسی تیکن کاریم نا سوب آن سرمچارک ٹک کرِسہ مرگ ئنا گواچی کریر۔
او ودیک پارے کہ اسہ پین کاروائی ئسیٹی 25 مئی 2025 آ نن ئنا 8 بجہ نا وخت آ بی ایل ایف نا سرمچارک خاران نا ہند تاگزی ٹی کوزہ گیر پاکستانی لشکر نا چوکی آ ترندو جلہو کریر۔ دا جلہو ئٹی سرمچارک راکٹ پروپلڈ گرنیڈز (RPGs) و پین پوسکنو بھلو سلاہ کارمرز کرِسہ چیک پوسٹ آ کیہی گولہ خلُکر، ہراکہ چوکی نا تہٹی تمار و دشمن نا اِرا کارندہ مرگ ئنا گواچی مسُر و چیک پوسٹ ئے نسخان مس۔
ترجمان ایسر ئٹ پارے کہ بلوچستان لبریشن فرنٹ خاران ئٹی پاکستانی لشکر آ جلہو و تربت ئٹی ریاستی ملٹری انٹیلیجنس نا کارندہ غاتے مرگ ئنا گواچی کننگ نا ذمہ واری ئے ہرفک۔ و بلوچستان نا آجوئی اسکان ریاست نا ہر وڑ ئنا مفاد آتے آ جلہوک برجاء مرور۔
