سرمچار آک اسہ وخت آ کیچ ئنا عیلاقہ بالگتر ئٹی قوضہ گیر دشمن آ جلہو کرِسہ دشمن لشکرے جانی و مالی نسخان تسُر۔
بی ایل ایف نا سرمچار آک سئے شمبے نا شام ئنا 9 بجہ آ بالگتر نا ہند سھاکی اسکول ٹی جوڑ مروک قوضہ گیر پاکستانی لشکر نا کیمپ و سری گڈگی نا واٹر سپلائی ٹی جوڑ مروک چوکی آ اسہ وخت آ بھلا و پوسکنا سلاہ تیٹ جلہو کریر ۔ جلہو ٹی قوضہ گیر لشکر نا اِرا کارندہ ہمو جاگہ غا کھسک و مسٹ بھاز ٹپی مس ۔
سرمچار آک پوسکنا جنگی حکمت عملی تے کاریم ئٹی ہتِسہ دشمن ءِ خڑکان ٹک کریر ۔جلہو ئٹی دشمنے بھاز نسخان مس ۔
بلوچستان لبریشن فرنٹ دا جلہو نا ذمہ واری ءِ ہرفک۔ بلوچستان نا آجوئی اسکان سرمچار آک قوضہ گیر دشمن و ریاست نا کُل مفادات آتے آ جلہو کرِسہ کرور ۔
میجر گہرام بلوچ
جارکش بلوچستان لبریشن فرنٹ
