ی
کراچی نا علاقہ ہزارہ گوٹھ ئٹ چھاپہ خلِسہ پاکستانی لشکر اسہ ورنا ئس دزگیر کننگ آن گڈ بیگواہ کرینے۔
بیگواہ کننگوک ورنا قانود نا خوانندہ ئس ءِ ہرا نا چائنداری ذکریا اسماعیل نا پن ئٹ مسنے۔ پن کروک ورنا اندا زوت ئٹ کراچی یونیورسٹی آن قانود نا شعبہ ٹی خواننگ آن فارغ مسس۔
حوال تروکا تا پاننگ ءِ کہ ذکریا ئے اونا کوٹی آن دزگیر کننگانے ہراکان گڈ اونا ہچ ڈس اف۔
اندن، کراچی نا علاقہ گل محمد لائن ئٹ ہم پاکستانی لشکر درے نن آپریشن کرے، ہراڑے بھلو کچ ئسیٹی رینجرز نا کارندہ غاک آپریشن ئٹ بشخ ہلکر۔
جہی بندغ آتا پاننگ ءِ کہ علاقہ ئے گھیرہ کرسا اُرا اُرا ئے پٹ ئہ پول کننگانے۔
