یک شمبے، 25 مئی 2025| زرمبش براہوئی
بلوچ لبریشن آرمی نا ترجمان جیئند بلوچ میڈیا غا شنگ کروک تینا بیان ئسیٹی پارینے کہ سرمچارک قلات و کولواہ ٹی مُسِہ جتاؤ جاگہ غا کوزہ گیر پاکستانی لشکر و جاسوس کیمرہ آتِہ ٹک کریر۔
او پارینے کہ بلوچ لبریشن آرمی نا سرمچارک اینو قلات نا علاقہ منگچر ٹی کوزہ گیر پاکستانی لشکر نا کاروان ٹی اوار اسِہ گاڑی ئسے ریموٹ کنٹرول آئی ای ڈی ئٹ ٹِک کریر، تراک ئنا جہہ آ کوزہ گیر لشکر نا کمک ہم بس، پدی ہننگ آ کاروان ئے پدا پین اسِہ ریموٹ کنٹرول آئی ای ڈی ئسیٹ ٹک کننگا۔ تومکا جلہو تیٹی کوزہ گیر لشکر نا پنچ کارندہ مرگ ئنا گواچی مسر و نُہہ ٹپی مسر۔ اِرا گاڑی ئے ہم بھاز نُسخان مس۔
ترجمان پارے کہ پین اسِہ کاروائی ئسیٹی بلوچ لبریشن آرمی نا سرمچارک 22 مئی آ کیچ ئنا علاقہ کولواہ ٹی گٹ ءِ کور آ کوزہ گیر پاکستانی لشکر نا خلوک اِرا جاسوس کیمرہ آتِہ ٹک کرسہ بھُس کریر۔
ایسر ئٹ او پارے کہ بلوچ لبریشن آرمی دا جلہو تا زمہ واری ئے ارفِک۔
