بلوچستان نا ضلع خضدار ئٹ پاکستانی لشکر نا کنڈ آن لشکر کشی اینو مسٹمیکو دے ہم برجاء سلیس، کیہی بندغ آک پاکستانی لشکر نا دو آن زوراکی ئٹ بیگواہ کننگانو۔
جہی مخلوق نا رد ئٹ لشکر کشی نا وخت آ 15 آن 20 ئنا کچ بندغ زوراکی ئٹ بیگواہ کننگانو۔
علاقہ ئٹ انٹرنیٹ سروس بند ءِ ہرانا سوب آن لشکر کشی نا رد ئٹ و بیگواہ کننگوک بندغ آتا چاہنداری نا رد ئٹ ودیک حوال رسینگ ئٹی اف۔
حوال تروکا تا رد ئٹ خضدار نا علاقہ گزگی، لزو، کوشک و لطیف آباد لشکر کشی نا پلویڑ ئٹی ءُ۔ پن کروک علاقہ غا تیٹ پاکستانی لشکر نا سُر پُر، گھیرہ، اُرا اُرا ٹی پٹ ئہ پول و چھاپہ آتا حوال رسینگانے۔
واہم انٹرنیٹ و ٹیلی کمیونیکیشن سروس بند مننگ نا سوب آن جانی نسخان تا حوال اف۔
