بلوچستان لبریشن فرنٹ نا ترجمان میڈیا غا شنگ کروک تینا بیان ئسیٹی پارینے کہ 16 مئی 2025 آ بلوچستان لبریشن فرنٹ نا سرمچارک تنظیمی پروگرام ئٹ خاران نا علاقہ جورکین ئٹی اہمو مشن ئسے آ اسُر۔ سفر نا وخت آ اوفک ریاستی مُخ تف ڈیتھ اسکواڈ نا کارندہ غاتوں مون پہ مون مسُر۔ سرمچارک و دشمن نا ولَفوک ڈیتھ اسکواڈ نا کارندہ غاتا نیام ئٹ اسِہ بھلو جنگ ئس بناء مس۔ جنگ ئٹی تنظیم نا اہم سرمچار حاجی غلام نبی نا مار زاہد سمالانی نال کوڑاسک نا جہی دلیری ئٹ دشمن نا برخلاف جنگ کرسہ ٹپی مس و ٹپی آ حالیت ئٹی جنگ ئے برجاء تخِسہ ڈیتھ اسکواڈ نا کارندہ غاتِہ کیہی ساہت اسکان تورے و تینا سنگت آتِہ سرسوبی ئٹ کشا، ولے او گڈیکو سم ئنا فلسفہ غا عمل کرسا ڈیہہ آ ندر مس۔
شہید زاہد سمالانی بلوچ مارچ 2022 ئٹی بلوچستان نا آجوئی نا جہد ئٹی بلوچستان لبریشن فرنٹ نا پلیٹ فورم ئے گچین کرے۔ دا چُنکا وخت ئٹی او مشکے، جھاؤ، آواران، گچک و خاران تون اوار کیہی علاقہ غا تیٹی دشمن نا برخلاف جنگی مشن تیٹی بخش ہلک۔
بلوچستان لبریشن فرنٹ سرمچار شہید زاہد سمالانی ئے سِخت و شرف ئٹ خیسنو دروت ندر کیک، شہید زاہد سمالانی بلوچ تون اوار بلوچ وطن نا آجوئی کِن ساہ ندر کروکا فرزند آتا فکر و فلسفہ و مشن ئے مزل اسکان سر کننگ نا جہد ئے برجا تِخون۔
