بلوچستان لبریشن فرنٹ نا ترجمان میجر گہرام بلوچ پارے کہ نوزدہ مئی 2025 آ نن ئنا 8 بجہ و 45 منٹ آ بلوچستان لبریشن فرنٹ نا سرمچارک تنظیمی ڈھکوک حوال تا بنیاد آ خضدار نا ہند نورگامہ زہری ٹی زہری نا جہی خالد لاشاری ولد مولا بخش ئے کھسفیر۔
او پارے کہ خالد لاشاری نا خُڑکی جہلاوان ئٹی کوزہ گیر پاکستانی لشکر نا بنجائی کمکار شفیق احمد مینگل نا ڈیتھ اسکواڈ تون اس ہرا خضدار و ہیب کھیب ئنا علاقہ تیٹ بلوچ ورنا تے زوراکی ئٹ بیگواہ کرفنگ و بلوچ زنک کشی ٹی سرگرم اس۔ ہندا سوب آن سرمچارک تنظیمی فیصلہ نا رد ئٹ کارروائی کرِسہ ڈوہدار ئے اونا ایسر آ سر کریر۔
میجر گہرام پارے کہ بلوچستان لبریشن فرنٹ خالد لاشاری ئے خلنگ نا زمہ واری ئے ہرفک و ڈیتھ اسکواڈ ئٹی سرگرام کارندہ آتے کن پڑو کیک کہ اوفتان اگہ کس بلوچستان لبریشن فرنٹ نا ہندی ذمہ وار آتون رابطہ کرِسہ تینا ردی تا معافی خواہا او پین وختی کوزہ گیر لشکر آن تینے مُر کرے تو بی ایل ایف اُفتے بشخو او اسہ جوانو زند ئس گدریفنگ نا وارخواہی ایتو۔
