بلوچستان نا ضلع کیچ ئٹی پاکستانی لشکر اسہ بندغ ئسے دزگیر کننگ آن پد بیگواہ کرینے۔ پین اسہ بیگواہو بندغ ئس آجو کننگانے۔
حوال تروک آتا رِد ئٹ پاکستانی لشکر ڈنڈار سول دشت ئنا جہی حاجی واحد بخش نا مار سہیل ئے دزگیر کننگ آن پد نادرستو جہہ ئس درینے ہراکان پد او بیگواہ ءِ۔
خاہوت نا پاننگ ءِ کہ سہیل ئے بیدس قانودی کاروائی آن دزگیر کننگانے ہراکان گڈ اونا ہچ ڈس اف و ننے خُلیس ءِ کہ ایلو زوراکی ئٹ بیگواہ کننگوک بندغ آتا وڑ اودے دروغ ئنا مونتس یا دروغ ئنا کیس آتا چم بازی نا گواچی کننگو۔
خاہوت سہیل بلوچ نا زوت سرسلامت آجوئی نا خواست کرینے۔
ایلو کنڈ آن کیچ ئنا ہند تجابان آن زوراکی ئٹ بیگواہ کننگوک بدر نا مار دولت استو آجو مرسہ تینا خلک ئے سر مسنے۔
