بلوچستان نا ضلع واشک نا ہند سور گزو ٹی سُمکاری آن اسہ بندغ ئس خلنگانے و اسٹ ٹپی مسُنے۔
حوال تروک آتا رد ئٹ تدینی ہموتم مسُنے ہراتم نادُرستو بندغ ئس لعل محمد کلاگانی پنیئو ہندی بندغ ئسے نا سول سسٹم ئے دُزی کننگ نا کوشست ئٹی مسُنے۔
حوال تا رد ئٹ لعل محمد دُز ئنا پد ئٹ تمانے ہراڑے ارٹنگا تا نیام ئٹ سُمکاری مسنے۔ سُمکاری ٹی لعل محمد کلاگانی ہمو جاگہ غا خلنگانے و دُز سخت ٹپی مسُنے۔
حوال تا رد ئٹ ٹپی مروکا بندغ پیشن نا ہندی سے واہم دائسکان اونا چائنداری متنے۔
تدینی آن پد خلنگ مروکا بندغ نا جون ئے المی کاروائی کن خُڑک ئنا اسپتال آ دننگا، ہراڑے کاروائی آن پد جون ئے خاہوت نا دوٹی تننگ مس۔
پولیس تدینی نا گیشتر پٹ و پول ئے کننگ ءِ۔
