بلوچستان لبریشن فرنٹ نا ترجمان میجر گہرام بلوچ پارینے کہ 17 مئی 2025 آ بی ایل ایف نا سرمچارک آواران نا جہہ پیراندر، کرو ئٹی سہب ئنا 9 بجہ نا وخت آ پاکستانی لشکر نا کارندہ تیا ہموتم جلہو کریر ہراتم او جوڑشتی ڈیم ئنا سیکیورٹی کن تینا پوزیشن تیکن ہننگ اسر۔ جلہو نا سوب آن دژمن نا اسہ کارندہ ئس ہموتم مرگ ئنا گواچی و ارا کارندہ ٹپی مسر۔
او پارے کہ 17 مئی 2025 نا نن 9:30 آن خڑک بی ایل ایف نا سرمچارک سارونہ نا جہہ آ ریکو ئٹی بلوچستان آن معدنیات دروک اسہ گاڑی ئسے ٹک کرِسہ نسخان رسیفیر۔
جارکش پارے کہ 17 مئی 2025 نا دے بی ایل ایف نا سرمچارک قلات نا علاقہ مرجان ئٹی کوئٹہ آن کراچی آ ہنوکا ہائی وے ئے نن ئنا 8 بجہ غا تیبہ نن سہب اسکان مسہ جتاء جہہ تیا ناکہ بندی کرسہ گاڑی تا اسنیپ چیکنگ کریر، سرمچارک مرجان ٹی ٹیلی نار ٹاور ئے ہم نسخان رسیفیر۔
جارکش تینا درشان ئٹ پارے کہ بلوچستان لبریشن فرنٹ بلوچ و پشتون ٹرانسپورٹ برادری خاص کر کسری تیان خواست کیک کہ او ناکہ بندی نا وخت آ کمک کیر و گاڑی تیٹ ساڑی سرکاری کارندہ تا پیدواری کن تینا کڑد ادا کیر۔
اونا پاننگ اسک کہ اسہ زمہ دار راجی تنظیم ئسے نا وڑ ئٹ، نن پُہہ مرینہ کہ ناکہ بندی نا وخت، ٹرانسپورٹ کمیونٹی، خاص کر کسری تے تکلیف مریک۔ نن حالیت جنگ ئٹی ان و ننا دژمن نا سفر ئے تینکن رکھوک و فرنٹ لائن پُہہ مرِسہ دروشم بدل کیک و پبلک ٹرانسپورٹ تیٹ سفر کیک، اندا سوب آن دژمن نا ہن و بر ئے محدود کننگ کن ناکہ بندی وخت و حالیت تا رد ئٹ ننا جنگی حکمت عملی تا ضرورت ءِ۔
ایسر ئٹ او پارے کہ بلوچستان لبریشن فرنٹ دا کل کاروائی تا زمہ واری ئے ہرفک۔
