بلوچستان نا ضلع خضدار نا ہند وڈھ ئٹی نادُرست آ سلاہ بند بندغ آک نہادی آ مڈی تے دروک اسہ گاڑی ئسے آ جلوہ کرینو۔
حوال تروک آتا رد ئٹ گاڑی ئے وڈھ ئنا ہند سارونہ ٹی ٹک کننگانے۔ ہراڑے سلاہ بند بندغ آک سُمکاری کرسا گاڑی ئے نسخان تسنو۔ واہم ڈرائیور سرسلامت مسنے و اودے پین نسخان متنے۔
یات مرے کہ داکان مُست کیہی وار بلوچستان آن پنجاب و ایلو شہر تا پارہ غا بلوچستان نا نہادی آ قدرتی مڈی تے دروکا گاڑی تے آجوئی خواہوک سلاہ بند تنظیم آک ٹک کرینو، واہم اینو نا جلہو نا زمہ واری ئے دائسکان ہچو تنظیم ئس ہرفتنے۔
