بلوچستان نا ضلع پنجگور ئٹی نادرست آ سلاہ بند بندغ آک ڈیتھ اسکواڈ نا کارندہ تا اسہ ٹھکانہ ئسے آ جلہو کرسہ ارا کارندہ مرگ ئنا گواچی کریر۔
ہندی حوال تا رد ئٹ کہوکا تا چائنداری ملا عامر و امان اللہ نا پن تے ئٹ مسنے، ہرا پنجگور نا ہند چتکان نا ہندی ءُ۔ استو اوفتا ٹھکانہ آ سلاہ بند بندغ آتا بھلو کچ ئس مس ہرانا بھرم ئٹی تومکاک کھسکنو، ہندن جلہو کروکاک اوفتا سلاہ تے ہم درینو۔
پاننگ مننگ ئٹی ءِ کہ سلاہ بند بندغ آک تدینی نا جہہ آ ساڑی اسہ اُلاخ ئسے ہم ہُشانو۔
ہندی حوال تا رد ئٹ تومکا کہوکا بندغ آتا تعلقداری سرکار نا مخ تفی ٹی کاریم کروک سلاہ بند لشکر آن اسک، ہرافتے ہندی پڑ آ ڈیتھ اسکواڈ پارہ۔
اوفتے آ کیہی بلوچ ورنا تا کھسفنگ و زوراکی ئٹ بیگواہی نا دوبہ اسک۔ جلہو نا ذمہ واری ئے داسکا ہچو تنظیم ئس ہرفتنے۔
