بلوچستان نا ضلع کیچ ئنا بنجائی شار تربت ئٹی مروکا جھڑپ ئت شہید مروک ورنا تا چاہنداری مسنے۔
شہید مروکا تا چاہنداری سنگانی سر نا جہی یار محمد نا مار صبراللہ و کولواہی بازار تربت نا جہی بشام نا مار امجد نا پن تیٹ مسُنے۔
کالخواہ تا پاننگ ءِ کہ تربت ٹی سلاہ بند بندغ آک نن ئنا نیمہ غا ایف سی نا اسہ چیک پوسٹ ئسے آ راکٹ خلکُر ہراکان پد لشکر علاقہ ٹی سرچ آپریشن بناء کرے۔ ہموتم سلاہ بند بندغ تیتون مون پہ مون جھڑپ مس، ہراکان پدا سُمکاری مسک۔
جھڑپ ئٹی تومکا سلاہ بن بندغ آک شہید مسُر، اَسہ ایف سی کارندہ ئس ٹپی مس ہرادے جانجوڑی کمک کن اسپتال آ دننگانے۔
تُدینی آن پد اَسہ ڈرون فوٹیج ئس ہم مونا بسنے، ہراٹی خننگ مریک کہ لشکر سلاہ بند بندغ آتا ڈرون نا زریعت ئٹ رندے کیرہ، ہمر اوفک اَسہ تنکو گلی ئسیٹ پیہیرہ تومکا نیمہ غا تیان سمکاری مریک ہرانا سوب آن تومکا جلہوکارک ہموتم شہید مسُر۔
دائسکان ہچو تنظیم ئسے نا پارہ غان دا جھڑپ نا حوالہ ئٹ ہچو درشان ئس مونا بتنے۔
