بلوچستان نا ضلع آواران نا علاقہ مشکے و جھاؤ آن پاکستانی لشکر مُسہ بندغ دزگیر کننگ آن گڈ بیگواہ کرینے۔
بیگواہ کننگوک ورنا برفی نا مار شاہ نواز نا پن ئٹ درست مسنے ہرا مشکے لاکی نا جہی ئس ءِ۔
پن کروک بندغ ئے 16 مئی آ سہب ئنا زوراک آ پاکستانی لشکر نلی نا کیمپ آ اونا باوہ وپین بندغ تون اوار خواہفیسس۔ ایلو بندغ آتے پدان یلہ کننگا ولے شاہ نواز دائسکان بیگواہ ءِ۔
اندن جھاؤ آن پاکستانی لشکر اِرا بندغ دزگیر کننگ آن گڈ بیگواہ کرینے ہرافتان اسٹ جما نا مار گلشیر نا پن ئٹ درست مسنے و ایلو بندغ نا چائندئی دائسکان مننگ کتنے۔ تومکا ورناک پیلار نا جہی ءُ۔
خن ئٹ خنوک شاہد آتا پاننگ ءِ کہ تومکا بندغ آک باگ آن پیلار آ بننگ اسُر ہراتم اوفتے کوہڑو نا ہند آ پاکستانی لشکر دزگیر کرسا بیگواہ کرے۔
