بلوچستان نا علاقہ تربت ڈنک ئٹی پاکستانی لشکر تون اوار جھڑپ ئٹ شہید مروکا مسہ ورنا تے بے شرعی و چپی
ئٹ گُڈی ہند کننگ نا انکشاف مسنے۔
زیمی آ خاہوت آتا زالبولک اینو سہب ئنا اسلم شاہ قبرستان ئٹی ہمو قبر ئنا پیدواری ئے کرسہ ضلعی انتظامیہ آن جون تے اوفتا حوالہ کننگ نا خواست کرینو۔
حوالکار تا رد ئٹ نیاڑیک قبر آتِہ تینٹ خُتنگ بناء کرینو۔ ہرافتا بارو ئٹ اوفتا دعوی ءِ کہ دا اوفتا بندغ آتا اشتماعی قبر ءِ۔ زالبول تا پاننگ ءِ کہ دا ورناک ہنوکا تو پاکستانی لشکر تون جھڑپ ئٹ شہید مسوسر، و اوفتے چپی ئٹ گُڈی ہند کننگاسس خاہوت آتے خبر تننگ آن بیدس۔
برانز کروکا نیاڑیک دعوی کرینو کہ او اسہ جون ئسے قبر آن کشنگ ئٹی سرسوب مسنو، تاکہ اوفتے اسلامی طریقہ کار و بلوچی دود آتا رد ئٹ دوارہ گُڈی ہند کننگِہ۔
خاہوت آک پارینو کہ سیکیورٹی لشکر و پولیس قبر آتے خُتنگ نا عمل ئٹ ہڑاند شاغنگ ءِ ہرافتا سوب آن اوفتے بھاز فریشانی مننگ ءِ۔
