شال : بلوچ آجوئی خواہوک سلاہ بند تنظیم بی ایل اے نا سرمچار شہید فدائی درویش نا چُنکا ایلم گل احمد کزیت کرے ۔ گل احمد مری نا بابت ئٹ پارہ کہ او ہُرے آن بیمار مسُنے ۔
یاتی مرے کہ شہید درویش بی ایل اے مجید برگیڈ نا فدائی ئس اسک ہرا دسمبر 2011 آ شال ارباب کرم خان کسر آ ڈیتھ اسکواڈ نا سربراہ شفیق مینگل نا جاگہ آ فدائی جلہو کرے ۔ دا فدائی جلہو آن شفیق مینگل بچا ،ڈیتھ اسکواڈ نا سی آن گیش کارندہ آک خلنگار ۔
حوالکار نا رِد ئٹ شہید درویش نا چُنکا ایلم گل احمد مری اسہ جہد کار ئس اسک ۔ گل احمد و اونا خاوت نا کیہی بندغ آتے پاکستانی لشکر زوراکی تہ گواچی کرینے ۔
