ضلع کیچ ئنا بنجائی شار تربت نا علاقہ آپسر ئٹ ساڑی ایف سی نا ٹریننگ سنٹر آ سلاہ بند بندغ آک بھلا سلاہ تیٹ جلہو کریر۔ جلہو نا وخت آ علاقہ ئٹ سخت سمکاری و تراک آتا توار بِننگ مس۔ جلہو نا وخت اِرا سرویلنس کیمرہ ہم تباہ سلاہ بند بندغ آک تباہ کریر۔
پاننگک کہ جلہو ئٹ پاکستانی لشکر ئے سخت جانی و مالی نسخان تون مون تروئی تمانے۔ جلہو نا ذمہ واری ئے بلوچستان لبریشن فرنٹ ہرفینے۔
بلوچستان لبریشن فرنٹ نا ترجمان میجر گہرام تینا شنگ کروک بیان ئٹ پارینے کہ اینو 16 مئی آ ویگہ نا 6:00 بجہ غا سرمچارک تربت نا علاقہ آپسر بلوچی بازار ئٹ ساڑی ایف سی نا ٹریننگ سینٹر آ راکٹ لانچر تیٹ کیہی گولہ خسار، ہرا نشانہ غا تمار و ہرا نا سوب آن کوزہ گیر پاکستانی لشکر ئے جانی و مالی نسخان مس۔
او پارے کہ جلہو نا وخت سرمچارک اِرا سرویلنس کیمرہ ہم ٹِک کرسا تباہ کریر۔
میجر گہرام بلوچ پارے کہ بلوچستان لبریشن فرنٹ دا جلہو نا ذمہ ئے ہفک و دا عزم ئے بھیرو کیک کہ بلوچستان نا آجوئی اسکان نن تینا کاروائی تے برجاء تخون۔
