کوئٹہ: وائس فار بلوچ مسنگ پرسنز نا وائس چیئرمین و بیگواہ کننگوک بندغ آتا آجوئی کن جہانی تیبر آ چاننگ مروک چیدہ ماما قدیر بلوچ نا گمان آ ناجوڑ مسنے، ہرا نا سوب اودے اسپتال ئٹ دمدستی داخل کننگانے۔
حوال تا رد ئٹ اونا حالیت بیم تروک کچ اسکان خراب ءِ۔
وائس فار بلوچ مسنگ پرسنز تینا آفیشل فیس بک پیج آ اسہ چنکو ویڈیو ئس ہم شنگ کرینے ہراٹی ماما قدیر اسپتال نا پلنگ آ خاچوک ءِ و اودے آکسیجن ماسک خلوک ءِ۔
خیال ئٹ مرے ماما قدیر بلوچ تدوکا اسہ دہک آن زیات وخت آن زوراکی ئٹ بیگواہ کننگوک بندغ آتا آجوئی کن بین برانزی گدان برجاء تخانے ہراڑے ہڑدے سہب ئنا 10 بجہ غان شام ئنا 6 اسکان بین سگنگ نا سوب آن اونا جانجوڑی زیمی مسنے۔
