بلوچستان نا ضلع خضدار نا علاقہ نال ئٹ ساڑی ھڑنبو چڑھائی آ لیویز چیک پوسٹ آ نادرست آ سلاہ بند بندغ آک جلہو کرینو۔
حوال تروکا تا رد ئٹ نادرست آ بندغ آک چیک پوسٹ آ جلہو کرسا لیویز کارندہ تے بندی کرینو و چیک پوسٹ آ تیبہ کوزہ کرینو۔
دا وخت آ جلہوکارک تیبہ جنگی سلاہ و سرکاری مڈی تے تینتو درینو۔
تدینی ٹی ہچ وڑ ئنا جانی نسخان تا حوال رسینگتنے۔
ہنوکاتم ئٹ دا وڑ ئنا جلہو تا ذمہ واری ئے بلوچ آجوئی خواہوک تنظیم آتا پارہ غان ہرفنگانے، واہم دا جلہو نا ذمہ واری ئے دائسکان ہچو تنظیم ئس ہرفتنے۔
