ضلع کیچ ئنا بنجائی شار تربت آن 35 گاڑی تیا ساڑی پاکستانی لشکر نا اسہ بھلو کاروان ئس رادہ مسنے، ہراکان گڈ علاقہ ئٹ بھلو کچ ئسیٹی لشکر کشی نا خلیس ءِ۔
حوال تا رد ئٹ کاروان نا رادہ مننگ اسہ منظم لشکر کشی ئسے نا تیاری تا کند آ اشارہ ئس ءِ۔
ہنوکاتم ئٹ ہم تمپ و ہیب ئہ کھیب ئٹ لشکر کشی نا وخت آ جہی مخلوق ئے فریشانی تون مون تروئی تمانے۔ پاکستانی لشکر نا کنڈ آن لشکر کشی تا وخت آ مخلوق نا اُرا تے ہُشنگ تون اوار بندغ آتے زوراکی ئٹ بیگواہ کننگانے و دروغ ئنا مونتس تیٹ کھسفنگانے۔
وا ہم دائسکان دا لشکر کشی نا رد ئٹ شابیت حوال دو بتنے نئے کہ پاکستانی کوالخواہ تا پارہ غان دا رد ئٹ بیان مونا بسنے۔
