تربت نا علاقہ آپسر بنڈے بازار نا ہندی 22 سالی آ ورنا شاہ جہان ولد قادر داد ئے 14 اپریل 2025 آ شام ئنا نماز آن پد یعقوب محلہ آپسر آن زوراکی ئٹ بیگواہ کننگاسس۔ یات مروک تدینی آن پد ورنا نا ہچو ڈس ئس رسینگتنے ہراڑا خاہوت بھاز فریشانی نا گواچی ءِ۔
شاہ جہان نا خاہوت کوالخواہ، بندغی حق آتا ادارہ و ہندی پڑ آتیا خواست کرینے کہ دا ورنا نا آجوئی کن سوگوؤ گام ہرفِر۔ او پاریر کہ شاہ جہان اسہ پر امنو شاری ئسے ہرانا زوراکی ئٹ بیگواہی آن اونا خاہوت بھاز فریشانی نا گواچی ءِ۔
خاہوت گیشتر پارے کہ اگہ شاہ جہان نا برخلاف ہمرو ہم دوبہ ئس ارے اودے عدالت ئٹی ہتنگ مرے، ولہ دا وڑ ئٹ بیگواہ کننگ اونا بنداوی بندغی حق آتا سخت لتاڑ ءِ۔ او پاریر کہ او پر امن وڑ ئٹ تینا بندغ نا آجوئی کن توار ہرفسہ کرور۔
