بلوچستان نا ضلع کیچ ئنا بنجائی شار تربت آن اِرا ورنا پاکستانی لشکر نا دو آن بیگواہ کننگانو۔
بیگواہ کننگوک ورنا زرین جاوید و عمر اقبال ئے پاکستانی لشکر و ڈھکوک ایجنسی تا کارندہ غاک دزگیر کرینو ہراکان گڈ تومکا تا ہچ ڈس اف۔
خن ئٹ خنوک شاہد و خاہوت آن رسینگوکا حوال تا رد ئٹ دا تدینی ملخدو دشتی بازار ئٹ مسنے ہراڑے تومکا ورناک اسہ موبائل فون ئسے نا دکان ئٹ ساڑی مسنو۔ اندا وخت آ پیہُن رنگ ئنا سرف گاڑی ئسے ٹی سوار نادرست آ سلاہ بند بندغ آک اوفتِہ زور ئٹ گاڑی ٹی شاغِسہ درینو۔
زیمی مروک خاہوت نا پاننگ ءِ کہ تدینی نا حوال دمدستی تربت پولیس ئے تننگانے ہراڑان گڈ پولیس دشتی بازار آن ورنا تا موٹرسائیکل ئے دوئی مسنے۔
واہم پولیس تومکا ورنا تا ڈس ئہ نشان ئس پٹنگ ئٹ بےسوب مسنے۔
