
بی ایل ایف نا ترجمان میجر گہرام بلوچ میڈیا ٹی شنگ مروک تینا درشان ئسیٹی پارے کہ سرمچارک 10 مئی آ ویگہ نا 6:15 منٹ نا وخت آ کیچ ئنا ہند تربت خیر آباد ئٹی کوزہ گیر پاکستانی لشکر نا کیمپ ئے راکٹ لانچر و ایلو بھلاہ سلاہ تیٹ ٹک کریر، جلہو ئٹی راکٹ نا گولہ آک نشانہ غا تمار ہراڑان کوزہ گیر پاکستانی لشکر ئے بھاز جانی و مالی نسخان ہرفوئی تما۔
ترجمان ایسر ئٹ پارے کہ بی ایل ایف دا جلہو نا زمہ واری ئے ہرفک و بلوچستان نا آجوئی اسکان تینا جلہوتے برجاء تخنگ نا قول کیک۔