بلوچ یکجہتی کمیٹی نا نیمہ آن بلوچ نسل کُشی نا برخلاف آ خضدار ، وڈھ ، نال و ناگ ئٹی برانزی ریلی کشنگا ۔ برانز ئٹی بھلو کچ سیٹ بندغ آک بشخ ہرفیر ۔
برانز آتیٹی زوراکی ئٹ بیگواہ آ بندغ آتا خاوت ، سیاسی ، چاگڑدی و بندغی حق آتا باسک ، خوانندہ ، زالبول و چُناک بشخ ہرفیر ۔
برانزیک زوراکی ئٹ بیگواہ آتا عکس ، بینر ، پلے کارڈ دوٹی کریسُر ، پلے کارڈ آتا زی آ جتا جتاءُ نعرہ نوشتہ ئس ۔ برانزیک زوراکی ئٹ بیگواہی و دروغ ئنا مقابلہ تیٹی زوراکی ئٹ بیگواہ بندغ آتا خلنگ و اسلام آباد ئٹی برجاء انگا برانز ئنا مُختفی ٹی نعرہ خلکُر ۔
