بی ایل ایف نا ترجمان میجر گہرام بلوچ میڈیا ٹی شنگ کروک تینا درشان ئسیٹی پارے کہ ہشت مئی 2025 آ ویگہ نا 05 بجہ نا وخت آ سرمچارک چاغی نا ہند کلی داودی ٹی پاکستانی ائیرفورس نا اِرا کارندہ ہموتم ٹِک کریر ہراتم او بازار ئٹی سامان ہلنگ آن پد کیمپ ئنا پارہ غا ہننگ اسُر۔ جلہو ئٹی اِرا کارندہ ہمو جاگہ غا خلنگار۔
ترجمان پارے کہ کہوکا ہڑتُما کارندہ غاک ائیرفورس ئٹی کارپورل رینک نان کمیشنڈ ٹیکنیشن اسُر و دا وخت چاغی پاکستانی ائیرفورس نا ریڈار آ ڈیوٹی تننگ اسُر ہرافتا چائنداری محمد طاہر ولد طارق کہوٹہ راولپنڈی و محمد شفیق ولد امیر تلہ گنگ ضلع نا ہندی ئٹ مسنے۔
او پارے کہ سرمچارک دشمن لشکر آ جلہو آن پد تینا رکھکوک ٹھکانہ غاتیا سر مسُر۔
ترجمان ایسر ئٹ پارے کہ بی ایل ایف چاغی ٹی پاکستانی ائیر فورس نا اِرٹنگا کارندہ تے خلنگ نا زمہ واری ئے ہرفک و بلوچستان ئٹ کوزہ گیر پاکستانی لشکرئے اندا وڑ ٹِک کرسا کرو۔
