نیشنل ڈیموکریٹک پارٹی نا نیمہ آن ریکوڈک نا ڈھکوک معاہدہ نا نقولات آ تے ہلنگ کن تروکا پٹیشن ہائی کورٹ ئٹی زیر التوی ءِ ہرانا نوشتہ فیصلہ دائسکان مننگ کتنو
دانا برعکس ڈھکوک معاہدہ آ بلوچ راج ئنا نیمہ آن مروکا اعتراض آتے تخیسا وفاقی حکومت نا سعودی عرب ئے دا ڈھکوک معاہدہ ٹی اوار کننگ بھاز پریشانی نا سبب جوڑ مننگ ءِ ۔
بلوچ سرزمین آ مروکا معاہدہ آ تا رد ئٹ آگاہی تخنگ دانگانا اُلس نا بنیادی حق ئے ہراکان اوفتے محروم تخنگانے ،دہائی تان نو آبادیاتی پالیسی تہ رد ئٹ جہانی سامراجی طاقت آتا زریعہ ئٹ بلوچستان نا وسائل آتا لٹ و پُل مننگ ءِ و دا تیوعہ مرحلہ ئٹ لینڈ ایکوزیشن ایکٹ نا قانون ئے بھاز کارمرز ئٹ ہتنگ ءُ ۔ ریاست بائدے کہ دا کُل زمین آتے بلوچ راج ئنا دیمرئی ،صحت ،تعلیمی بکار آ تیکن کارمرز ئٹی ہتنگ مرے، ولے دانا برعکس بلوچ اُلس ئے اوفتا آبائی ہند آ تیان کشنگ ئٹ اوفتے قانون نا رد ئٹ سامراجی طاقت و ملٹی نیشنل کمپنی تیان بلوچ سرزمین ئے بوچ ئنا بہا ئٹ سودہ کننگ ءُ ۔ داکان بیدس دا کمپنی تہ نسخان تیٹی ماحول نا خرابی،صحت نا خرابی تدءُ ہرافتا سوب آن ایب کیب نا ہند آک بیماری تہ گواچیءُ۔
نن اسہ وار ئس پدا پانا کہ ریکوڈک تون اوار بلوچ سائل وسائل نا بنیات آ کسس ہم ڈھکوک معاہدہ ئے منیپک و پائک کہ بلوچ راج دا وخت اسکان ہچ معاہدہ ئے منپ ہراوخت اسکان دا ڈھکوک معاہدہ آک نشان تننگ مفس ۔
