بلوچستان نا ضلع مستونگ و کیچ ئٹ سلاہ بند بندغ آک پاکستانی لشکر و معدنیات دروکا گاڑی تے جلہو ئٹ ٹک کرینو۔
شابیتی حوال تا رد ئٹ تربت نا ہیب ئہ کھیب ئنا علاقہ آتیٹ سی پیک روٹ آ ساڑی پاکستانی لشکر نا اسہ چیک پوسٹ ئسے آ سلاہ بند بندغ آک جلہو کرینو۔
جلہو نا وختا سخت سمکاری و کیہی تراک آتا توار بِننگ مسنے۔ جلہو نا بھرم ئٹ پاکستانی لشکر ئے جانی و مالی نسخان ہرفنگ نا حوال ہم ارے۔
ایلو کنڈ آن مستونگ نا علاقہ کھڈکوچہ ٹی سلاہ بند بندغ آک معدنیات دروکا گاڑی تیا جلہو کریر۔
حوال تا رد ئٹ گاڑی تیٹ کرومائیٹ و پین مڈی مسنے۔ سمکاری آن گاڑی تے نسخان ہرفوئی تمانے۔
