بلوچستان نا علاقہ سوراب کٹائی (بتگو) ٹی نادرست آ سلاہ بند بندغ آک مسکوہی دتکی (کٹھ پتلی) وزیراعلیٰ بلوچستان نواب ثناء اللہ زہری نا خُڑک ئنا سنگت و نائب رحیم بخش جمال زئی زہری نا گاڑی آ سمکاری کریر۔
حوال تا رد ئٹ سمکاری ٹی نائب رحیم بخش بھاز ٹپی مسنے و اونا پین چھار سنگت ہم ٹپی مسنو۔
ٹپی مروکا تے دمدستی خُڑک ئنا اسپتال آ جانجوڑی کمک کن سر کننگا ولے نائب رحیم بخش نا حالیت بھاز خراب مننگ نا سوب آن اودے خضدار آ رادہ کننگا۔
