بلوچستان نا ضلع کیچ ئٹ لشکر کشی ٹی اختہ پاکستانی لشکر آ سلاہ بند بندغ آک جلہو کرینو۔
حوال تا ردئٹ تمپ ئٹی پاکستانی لشکر نا کارندہ غاک درو آن لشکر کشی ٹی اختہ ءُ۔ علاقہ ٹی کیہی گاڑی تا کاروان تون اوار پند آ ہنوک کارندہ غاتا ہِن ئہ بر خَننگ مسُنے۔
لشکر کشی ٹی اختہ کارندہ غاتے وختی آن سنگر ہلوک سلاہ بند بندغ آک کوھاڑ نا علاقہ ٹی ٹِک کرینو، ہرانا سوب آن پاکستانی لشکر نا کارندہ غاتے جانی نسخان تون مون تروئی تمانے۔
جلہو آن گڈ علاقہ ٹی ایمبولنس آتا ہن ئہ بر خَننگ مسُنے واہم کوالخواک دائسکان دا بابت ئٹ ہچو شابیتی حوال فراوان کتنو اندن علاقہ ٹی پاکستانی لشکر نا کنڈ آن چرجوئی ئٹ مارٹر گولہ خلنگ مننگ ءِ۔
بلوچستان ئٹی پاکستانی لشکر آ جلہو تیٹ ترندی خَننگ ئٹ بننگ ءِ۔ استو بنجائی شار شال ئٹ فرنٹیئر کور نا ہیڈ کوارٹر تون اوار چھار ہند آتیا پد مہ پد پاکستانی لشکر نا چوکی و کیمپ آتے سلاہ بند جلہو تیٹ ٹک کننگاسس۔
