بلوچستان نا ضلع بولان و کیچ ئٹ پاکستانی لشکر نا زمینی و فضائی لشکر کشی برجاء ءِ۔
حوال تا رد ئٹ بولان نا جتا علاقہ، سانگان و جالڑی نا خُڑک پاکستانی لشکر نا بھلو کچ ئس خننگ مسنے و دا وختا ڈرون و ہیلی کاپٹرک ہم گشت کننگ ءُ۔
واہم دائسکان ہچ وڑ ئنا دزگیری یا جانی نسخان نا حوال مونا بتنے۔
ایلو کنڈ آن ضلع کیچ ئنا علاقہ زامران و پروم نا نیامیکو علاقہ غاتیٹ ہم پاکستانی لشکر نا زوراکی و لشکر کشی برجاء ءِ۔
دا وختا جتا ہند آتیا ہیلی کاپٹر تا شیلنگ نا حوال ہم مونا بسنے۔
خیال ئٹ مرے زامران نا علاقہ ساہ دیم ئٹ نادرست آ بندغ آک پاکستانی لشکر نا اسہ چوکی ئسے آ اینو جلہو کرینو ہراڑان پاکستانی لشکر ئے جانی نسخان ہم مسنے۔
یات مرے تدوکا 24 ساہت ئٹ زامران ئٹی پاکستانی لشکر آ دا چھارمیکو جلہو اس۔
