پنچ شمبے، 8 مئی 2025 | زرمبش براہوئی
بلوچستان نا ضلع کیچ ئنا علاقہ زامران، ساہ دیم ئٹ نادرست آ سلاہ بند بندغ آک پاکستانی لشکر نا اسہ چوکی ئسے آ جلہو کرینو۔
حوال تروکا تا رد ئٹ جلہو نا وخت آ تومکا کنڈ آن سخت سمکاری کننگانے، واہم کوالخواہ تا پارہ غان دائسکان نسخان تا بارو ئٹ ہچو بیان مونا بتنے۔
حول تروکا تا پاننگ ءِ کہ جلہو ئٹ پاکستانی لشکر ئے سخت نسخان مسنے ولے کوالخواک دا حوال نا پک کننگ کن دائسکان ہچ وڑ ئنا بیان تتنو۔
خیال ئٹ مرے بلوچستان نا جتا علاقہ آتیٹ پاکستانی لشکر آ جلہو تیٹ ودکی خننگ مسنے ہرافتا ذمہ واری تے بلوچ آجوئی خواہوک سلاہ بند تنظیم آک ہرفینو واہم دا جلہو نا ذمہ واری ئے دائسکان ہچو تنظیم ئس ہرفتنے۔
